Tiaan.com - webwêreld van tiaan geldenhuys

Stuur Epos vanaf jou Vodacom Selfoon

Mon, 28 Apr 2008 12:45:55 -0700

Het jy geweet, as jy ’n Vodacom selfoon gebruiker in Suid-Afrika is kan jy ook ’n epos na iemand vanaf jou foon stuur? Hierdie is veral handig vir persone wat nie maklik toegang tot die Internet het nie maar tog met familie of vriende wat epos kan ontvang wil kommunikeer. Daar is twee maniere wat ek hier bespreek om ’n epos vanaf jou Vodacom selfoon te stuur, naamlik deur van die SMS of MMS metodes gebruik te maak. Selfs ouer fone sal die SMS metode kan gebruik, maar as jy ’n nuwer sellulêre telefoon het wat ook MMS boodskappe kan stuur sal jy selfs foto’s saam met jou teks boodskap na iemand kan epos.

Speltoetser haal die Beeld Koerant

Sat, 03 Jun 2006 09:28:28 -0700

Dit mag dalk al ou nuus vir sommiges wees, maar ek het nou gelukkig toestemming¹ van die Beeld koerant gekry om hierdie berig op my webwerf te mag gebruik. Ja, dis reg, in die Beeld koerant van Woensdag 17 Augustus 2005, op die voorblad van die “Snuffelgids: Beroepe” bylaag, het Heléne Cilliers 'n berig geskryf wat handel oor my Afrikaanse speltoetser op die Internet. Vir diegene wat die artikel nog nie onder oë gehad het nie, lees dit gerus hieronder (of in die oorspronklike formaat deur op die kleinskets van die skansie weergawe te kliek).

Gratis Aflyn Afrikaanse Speltoetser

Tue, 06 Jun 2006 09:10:53 -0700

Een van die vrae wat die meeste opduik sedertdien ek my aanlyn speltoetser vrygestel het, is hoe om die sagteware te bekom sodat dit aflyn gebruik kan word. Alhoewel die aanlyn speltoetser nie vir hierdie doel ontwerp was nie, laat die Afrikaanse woordeboek wat agter die speltoetser sit dit tog toe. Nou dat ek uitgepluis het hoe om dit te doen, het ek besluit om hierdie proses te dokumenteer. Dit sal mens dan in staat stel om beide die aanlyn en aflyn speltoetsers te gebruik, afhangend van die behoeftes vir 'n spesifieke situasie.

My Aanlyn Speltoetser

Thu, 01 Dec 2005 09:07:07 -0800

Uiteindelik is ek klaar met hierdie speltoetser sodat dit op my webwerf beskikbaar gestel kan word. Hierdie was die eerste klein projekkie wat ek gedefinieer het om my persoonlike webwerf te begin en ek dink dit het op die ou einde lekker uitgewerk. Vir 'n wyle sal hierdie basies die enigste funksionaliteit wees wat publiek op hierdie werf beskikbaar sal wees, maar daar is heelwat ander idees wat mettertyd behoort te materialiseer soos wat hierdie webwerf groei (as ek tyd daarvoor kan maak).

Die groot dryf agter hierdie strewe was om 'n aanlyn speltoetser vir Afrikaans daar te stel. Alhoewel speltoetsers vir Engels geredelik beskikbaar is in teks redigering sagteware kan 'n mens nie dieselfde vir Afrikaans sê nie (wat ook 'n probleem is vir meeste ander tale wat op hierdie planeet gebruik word). En so is die Afrikaanse speltoetser gebore, en as 'n ekstra pasella het die Engelse speltoetser ook sommer met min addisionele moeite bygekom.